എന്റെ സംസാരം മനോഹരമായി നിനക്ക് തോന്നിയിട്ടുണ്ടേൽ അതിനു കാരണം നീ തന്നെ ആണ്. നിന്നെ കുറിച്ചോർക്കുമ്പോഴും നിനക്ക് മറുപടി എഴുതുമ്പോഴും മാത്രം ആണ് എന്റെ വിരൽ തുമ്പുകളിൽ ഇത്ര മനോഹരമായി വാക്കുകൾ പിറന്നിട്ടുള്ളത്. എഴുതിയ വരികളിലെല്ലാം നിന്റെ ഒരു അംശം കോർത്ത് വെക്കുന്നത് കൊണ്ട് എന്റെ വാക്കുകൾക്ക് അവകാശി നീ തന്നെയാണ്. നിന്റെ ആഗ്രഹങ്ങളേയും സ്വപ്നങ്ങളേയും നമ്മുടെ സ്വപ്‌നങ്ങൾ ആക്കി മാറ്റിയതാണോ ഞാൻ ചെയ്ത തെറ്റ്. അത്രയേറെ പ്രണയം തോന്നുന്ന നിമിഷങ്ങളെല്ലാം ഇപ്പോഴും നിന്നെ മാത്രം ആണ് ഞാൻ എന്റെ വരികളിലേക്കു പകർത്താറുള്ളത്. എന്റെ പ്രണയം അന്നും ഇന്നും എന്നും നീ തന്നെയാണ്.
