என் உயிரின் வரிகளே

[Heartbreaker]

காலத்தின் கரங்களில் தவழும் கவிதையே,
கடலின் மடியில் உறங்கும் மெளனமே!
விடியலின் ஒளியாய் நீ சிந்தும் புன்னகை,
விடியாத இரவிலும் எனக்குத் தரும் நிம்மதி!
வான்வெளியில் பறக்கும் சுதந்திரப் பறவை நீ,
என் இதயத்தின் துடிப்பை ஆளும் ராணி நீ!
மலர்களின் வாசம் காற்றோடு கலப்பது போல்,
எந்தன் சுவாசமாய் நீயே என்னில் கலந்தாய்!
வானவில்லின் வண்ணங்கள் தோற்றுப்போகும்,
உன் விழிகள் ஒருமுறை என்னைப் பார்க்கையில்!
வார்த்தைகள் இல்லா ஒரு மெளன பாஷை,
வாழ்நாளெல்லாம் நம்மை இணைக்கும் நேசம்!
நிலவின் குளிர்ச்சியும் சூரியனின் வெப்பமும்,
ஒரு சேரக் கண்டேன் உன் அன்பினில்!
கடல் கடந்து செல்லும் என் எண்ணங்களின்,
கரையேறும் இடம் நீயே என் பிரியமே