என் உயிரான தமிழ்

[Heartbreaker]

வானம் தொடும் தூரம் இல்லை,
வையம் முழுதும் தமிழ் எல்லை!
கானக் குயிலின் பாடலினிலே,
கனிந்த மொழியாம் நம் தமிழினிலே!
வேதத் தொன்மை கொண்ட மொழியிது,
விடியலின் ஒளியாம் நம் தமிழது!
ஆதி முதல் நின்ற பெருமைதனை,
அகிலம் போற்றும் அன்னை மொழியினை!
ஏடு தொடங்கும் எழுத்துகளிலே,
எழில் கொஞ்சும் தமிழ் மொழியிலே,
நாடு தழைக்கும் நற்பண்புகள்,
நாளும் வளரும் நல் உணர்வுகள்!
முத்தமிழ் வளர்த்த முனிவர் கூட்டம்,
முத்துக் குளித்த சங்கப் பாட்டம்!
பித்தாய் தமிழின்பம் சுவைத்தவர்கள்,
பேரறிஞராகி உயர்ந்தவர்கள்!
அன்னை தந்த அமுத மொழியிது,
ஆன்றோர் உரைத்த அறத்தின் வழியிது!
இன்னல் யாவும் தீர்க்கும் மருந்தாய்,
என்றும் நிலைக்கும் தமிழ் மொழியாய்!
கம்பன் பாடிய காவியத்திலே,
கன்னித் தமிழின் வளத்தினிலே,
சொற்கள் ஆளும் சுவைமிகுதியால்,
சோலை போலே இதயம் மலருதே!
காலம் கடந்து வாழும் மொழியிது,
கலைகள் நிறைந்த அமுதத் தேனது!
ஞாலம் அறியும் தமிழின் சிறப்பை,
நாம் காப்போம் அதன் பெருமை இருப்பை!