AgaraMudhalvan
Epic Legend
▓█►─═ 10 வரி உனக்காக ═─◄█▓
உன் இதழ் திறந்த
தருணம் பார்த்து
அழகாக எழுதி வைத்தேன்
இக்கவிதையின்
முதல் வரிகளை
உன் இமை அசைவுகளை
ரசித்து ரசித்து
எழுதி தீர்த்தேன்
இக்கவிதையின்
இரண்டாம் வரிகளை
நெற்றி மறைக்கும்
உன் கூந்தலின்
ஒரு கற்றை முடிகளை அழகாக
காதோரம் சொருகி வைப்பதை
பார்த்தபடி எழுதி வைத்தேன்
இக்கவிதையின்
மூன்றாம் வரிகளை
காற்றோடு கதைபேசியபடி
கைவிரல்களால்
ஓவியம் தீட்டி கொண்டிருந்த
உன் அழகினை கொஞ்சம்
சேர்த்து எழுதி வைத்தேன்
இக்கவிதையின்
நான்காம் வரிகளை
உன் விரல்களின் நகம் கடிக்கும்
இனிய தருணத்திலா எனக்கு
கிடைத்திட வேண்டும்
இக்கவிதையின்
ஐந்தாம் வரிகள்
உன் வீட்டு முற்றத்தில் படர்ந்திருந்த
பிச்சிப்பூவின் கொடியினில் அழகாக மொட்டுகளை கொய்கிறாய் நீ
இக்கவிதைக்கான
ஆறாம் வரிகளை
எழுத காத்திருந்த என் விரல்களில் இப்போது நீ நறுமணம் நிறைந்த
பூக்களாக மலர்ந்து போனாய்
மழையில் நனைந்தபடி
நடந்து வருகிறாய்
நதியென்று மழைக்கு குடைவிரித்திருக்கிறது என்ற கேள்வியோடு எழுதி வைத்தேன்
இக்கவிதையின்
ஏழாம் வரிகளை நான்
இக்கவிதையின்
எட்டாம் வரிகளுக்காக
காத்திருந்த எனக்கு
நீ துள்ளிக்குதித்து எட்டி அடித்த
கோவில் மணி ஓசையானது
என் நினைவுக்கு வந்தது
அதுவே மிகப் பொருத்தமாக அமைந்தும் போனது
வண்ணத்துப் பூச்சிகளோடு
நீ உரையாடி கொண்டிருந்த
ஒரு மாலை நேரப் பொழுதில்
தான் எழுதிக் கொண்டேன்
இக்கவிதையின்
ஒன்பதாம் வரிகளை
ஏதோ ஒரு காரணத்திற்காக
செல்லமாக அழுது கொண்டிருந்த எதிர் வீட்டு குட்டி தேவதையை
மெல்லமாக அள்ளியணைத்து
கன்னத்தோடு கன்னம் உரசி
கண்கள் மூடியபடி நீ கொடுத்த
முத்தத்தின் சத்தத்தோடு
நிறைவடைந்தது
இந்த கவிதையின்
பத்தாம் வரிகளும்
நான் உன்னைப்பற்றி
எழுதிட நினைத்த
பத்து வரிகளின் கவிதையும்!!!