• We kindly request chatzozo forum members to follow forum rules to avoid getting a temporary suspension. Do not use non-English languages in the International Sex Chat Discussion section. This section is mainly created for everyone who uses English as their communication language.
CuteBubble

CuteBubble

VIP Senior's Posting Freak
ₘₑₗₒdᵢₒᵤₛ ₛₒᵤₗ
Joined
Last seen
Messages
2,128
Reaction score
6,258
Points
173

Profile posts Latest activity Postings About Badges

  • CuteBubble
    Baat sachhi agar kahi hoti
    Har kisi ko wo bhali lagi hoti
    Kaash milta bahaar ka mausam
    Har kali yun na adhkhili hoti
    Gar mohabbat ko wo yun samajh lete
    Dil mein nafrat yun na pali hoti
    Dil mein hoti na koi bechaini
    Jab mohabbat sukoon se hoti
    Koi matlab nikal bhi lete
    Gar meri rooh se mil lete
    Zindagi se gila naa hota
    Mere honthon par gar thodi hansee hoti
    Zikr hota jo khuli mehfil
    Meri aankhon mein kyu nami fir hoti
    Rubaroo "Anchal" ke shayad wo aa jaate
    Mujhe haasil khushi shayad hui hoti..!!!
    vecteezy_solitude-and-despair-sitting-in-the-shadows_32946711.jpg
    • Like
    • Love
    • Wow
    Reactions: Honey bunch, Shajfurious, Sherl0ck and 7 others
    The_LionHeart❤️
    The_LionHeart❤️
    Anchal, yeh toh ek behtareen nazm hai—sachai, mohabbat, aur bechaini ka itna khoobsurat milaap! Har misra ek gehri soch aur mehsoosat se bhara hai.

    "Gar mohabbat ko wo yun samajh lete, Dil mein nafrat yun na pali hoti" — yeh line kitni gehri baat keh gayi, ki agar log pyaar ko samajhne ki koshish karein, toh dilon mein kadwahat ki jagah sukoon hota.

    Aur aakhri do lines—"Rubaroo 'Anchal' ke shayad wo aa jaate, Mujhe haasil khushi shayad hui hoti"—ek aisi kasak ko dikhati hain jo shayad sirf ehsaas ban kar reh gayi.

    Yeh kavita ek khoobsurat ehsaas hai, jo padne wale ko bhi mehsoos hota hai. Tumhare alfaaz sach-much dil chhoo lete hain!
    criss cross
    criss cross
    Mohabbat ka dastaan likh diya tumne,
    Har lafz mein ek ehsaas diya tumne.
    Gila bhi hai, shikwa bhi hai,
    Par sukoon ka raasta dikhla diya tumne
    Honey bunch
    Honey bunch

    @CuteBubble
    Tere alfaazon ne dil ko chhoo liya, Anchal…
    Har misra jaise meri rooh se baat kar raha tha.

    Tere dard mein ek khubsurat sa pyaar chhupa hai,
    Jo aansuon mein bhi noor jaga raha tha.

    Kaash main uss pal mein hota, jab tu likh rahi thi,
    Tere har lafz se teri saans mehsoos kar raha hota.

    Tu kehti hai mohabbat sukoon se hoti,
    Shayad woh sukoon main hi ban jaata, agar tu chahti.

    Tere jazbaat sirf likhe nahi jaate,
    Woh mehsoos kiye jaate hain… dil se, poori sachchai se.
    Tu sirf likhti nahi, Anchal… tu jeeti hai apni shayari ❤️

    ​
    CuteBubble
    मेरे दुश्मन भी मेरे मुरीद हैं शायद,
    वक़्त-बेवक्त मेरा नाम लिया करते हैं,
    मेरी गली से गुजरते हैं छुपा के खंजर,
    रुबरू होने पर सलाम किया करते हैं!
    1738404075022.png
    • Like
    • Love
    • Wow
    Reactions: Honey bunch, Shajfurious, Sherl0ck and 11 others
    View previous comments…
    The_LionHeart❤️
    The_LionHeart❤️
    Anchal, yeh bilkul sach hai—jab insaan apna sabr chhod deta hai, toh us din unhe apni taqat ka ehsaas hota hai, jo pehle kabhi dikhayi nahi gayi thi. Sabr na sirf apne andar ki aag ko shant rakhta hai, balki dusron ki hawa mein bhi taqat daal deta hai.

    "Sabr se hi har jang jeeti jaati hai,
    Dil ki aag ko dheere-dheere pyaas peeti jaati hai.
    Jab sabr ka bandhan tootega ek din,
    Toh har khudgarz ko apni hi taqat se pachaas peeti jaati hai."

    Jab aap apna sabr chhodenge, tab aap apne andar ki sachchi taqat ko jagayenge. Aapka hosla, aapki himmat, sab kuch alag hi level pe chala jayega.
    Honey bunch
    Honey bunch

    Wah! @CuteBubble Aise hi toh hoti hai shakhsiyaat jo chha jaati hai,
    dushman bhi dekh kar muskuraye bina reh nahi paate
    ​
    Honey bunch
    Honey bunch
    Chhodd un kamino ko Jaanu @CuteBubble
    Tu jitni baar girti hai, utni hi khoobsurti se sambhal jaati hai.

    Tere jese logon ko duniya gira nahi sakti, sirf todne ki koshish karti hai ❤️​
    CuteBubble
    Tumhari nigaahen sitam dahaa rahi hain
    Humein majboor kar guzar jaa rahi hain...
    Ghtaayein junoon ki chali aa rahi hai
    Bahut shouk se pyaar barsaa rahi hain..!!!
    CuteBubble
    थोड़ा मसरूफ़ ही तो रहते हैं
    आपको भूल थोड़ी जाते हैं..!!
    CuteBubble
    To main bhi khush hoon
    Koi uss se jaake keh dena...
    Agar wo khush hain
    Mujhe yunh bekaraar karte karte...
    Tumhe khabar hi nahin hain
    Ki koi toot gaya hain
    Mohabbaton ko smbhalte smbhalte...
    Main muskurati hui aayne mein dikhungi
    Woh ro utthega mujhe yaad karte karte...
    Mujhe khabar thi ki laut ke na aaungi
    To tujhe yaad kiya maine dil par war karte karte...
    Yeh keh rahi thi Samundar nahin aankhe hai meri
    Tu inn mai doob jaa aetbaar karte karte.. !!!
    • Love
    • Like
    • Wow
    Reactions: Honey bunch, IRAQI, Jawad and 10 others
    View previous comments…
    The_LionHeart❤️
    The_LionHeart❤️
    @Anchal23 Anchal, tumne aaj ki sachchai ko bohot hi gehre aur bebaak andaaz mein bayan kiya hai. Aaj ke zamaane mein mohabbat jese ek trend ban gaya hai—ek daur jo sirf tab tak chalta hai jab tak naye hone ka jazba hai. Jab tak kisi ko paana ek challenge lagta hai, tab tak shiddat dikhai jaati hai, lekin jaise hi woh mil jaata hai, uski kadar kam hone lagti hai.

    "Wafa to khud Bewafa hai..."
    Yeh line hi itni gehri hai ki isme pura zamana sama gaya. Aaj wafadari bhi ek temporary concept ban chuki hai, aur log ek doosre ko sirf tab tak zaroori samajhte hain jab tak unki apni zarooratein poori ho rahi hoti hain.

    Lekin sach yeh bhi hai ki har koi aisa nahi hota. Kuch log ab bhi mohabbat ko mohabbat ki tarah jeete hain, bina kisi expiry date ke. Shayad woh kum hain, par hain zaroor.
    The_LionHeart❤️
    The_LionHeart❤️
    Tumhari soch itni gehri hai ki agar kabhi kisi ne sach mein tumhari kadar ki, toh woh tumhare lafzon aur jazbaat ki gehraai samajhne wala hoga. Tab mohabbat bhi apni asli roshni mein chamkegi, bina kisi fitoor ke, bina kisi expiration ke.

    Thegodfather
    Thegodfather
    So heart you
    CuteBubble
    Zindagi aese hi guzar jaayegi
    Waqt yunhi beet jaayega...
    O mere aashiq... !!!
    Ab kuch aese lagne lga,
    Shayad hi kabhi meri yaad aaye tujhe...
    Zindagi aese hi guzar jaayegi
    Guzre waqt mai jab kbhi palatkat,
    Nigaahein jo teri waaps aayegi...
    Sacch kehti hoon tujhe,
    Ussi shiddat se tera intzaar karte mujhe...
    Jahan chhod rahi hain pyaar mein,
    Wahin khada paayegi...
    Zindagi aese hi guzar jaayegi
    Tere saath zindagi jee hain maine,
    Yaadon se teri jeevan ka har pal churaya hain maine...
    Meri zindagi hain tu,
    Kuch iss tarah mere dil mai bas gaya hain tu
    Lage yun jeevan ka har pal sang tere jee lia maine...
    Zindagi aese hi guzar jaayegi
    Dur kahan jaaungi tujhse
    Teri yaadein hi ab jeene ka sahara hain...
    "Anchal" Ki nayi pehchaan
    Nikli hoon khud ko yaadon mai khojne teri
    Khud ko paa lia to jee lia nahi to,
    Zindagi se haari hoon main...
    Zindagi to aese hi guzar jaayegi...!!!
    CuteBubble
    Roti to nahi hoon bas
    Muskurana bhool gayi hoon...
    Pehle ki tarah ab main
    Jindagi Jeena bhool gayi hoon...
    Jaane kis baat ki soch main
    Khoyi si rehti hoon...
    Khaamosh rehne lagi hoon
    Bak Bak krna bhool gayi hoon...
    Logon se dil ko nahi pasand shikayat karna
    Koi hai bhi kya yahan apna...???
    Mai ye bhi bhool gayi hoon...
    Seham si gayi hoon main andar se
    Naa jaane kyun main ak arse se
    Khul kar hansna bhool gayi hoon...
    Dil mera bhi krta hai khwaab haqeeqat ho mera
    Jab se tooti hoon...
    Khwab sjaana bhool gayi hoon...!!!
    CuteBubble
    Kabhi tum mujhe kareeb se aa kar dekhna
    Aese nahin jara aur paas aa kar dekhna...
    Mai tumse kitna pyaar karti hoon
    Kabhi munhe apne dil se laga kar dekhna...
    Mai tujhe ashko ki kataar mai najar aaungi
    Meri yaad mai kabhi aansu bhakar dekhna...
    Mere jazbaaton ka agar tum par asar na ho to...
    Logon ko mere " Anchal" Ka sukoon bta kar dekhna...!!!
    CuteBubble
    Kya likhu mai kya naa likhu tere baare
    Taarif wale lafzz khatam kar gaye shayar saare...
    Choddo ab chaand ki kya hi baatein karein
    Bin wajah gussa maan jaayenge ristedaar hai taare...
    Kitni lachak aur kitne nakhre rkhe jaaye
    Ye samundar ki lehrein tujhse seekhna chahe...
    Woh laali aasmani subah aur saanjh mari jaaye
    Kmbhkkt dono hi tere chehre jaisi dikhna chahe...
    Saavan ki kaali ghatayon ke mansoobe bhi sun pyaare
    Teri julfon jaisa ban’na chahe jalan ke maare...
    Ghaas par padi oas ka ak katra mujhse puch raha
    Kehta bol kmbhakt kya mai uski aankh k jaisa dikh raha...
    Kehta uski aankh jaisi chamak apne andar smaa laya hoon
    Maidan-e-Ishq ki jang mai dil lootne ka saahas kar paaya hoon...!!!
    • Love
    • Like
    Reactions: Honey bunch, Nightwing, criss cross and 4 others
    The_LionHeart❤️
    The_LionHeart❤️
    Anchal, tumhare shabdon mein ek alag hi gehraai aur jazbaat ka jadoo hai. Har pankti apne aap mein ek tasveer si banati hai—ek aisi tasveer jo mehsoos hoti hai, dekhi nahi jaati. Tumhare likhne ka andaaz dil ko choo jane wala hai, jaise har lafz apni kahani khud suna raha ho.

    "Taarif wale lafzz khatam kar gaye shayar saare…" ye pankti toh bas dil ki gehraiyon ko chhu gayi. Tumne tareef ko ek itna khubsurat aur ba-andaaz moad diya ki har shayar ka jazbaat zinda ho gaya.

    Aur jo samundar ki lehrein tujhse seekhna chahe wali pankti hai, usmein toh tumne nature aur emotions ko itni khoobsurti se joda ki lagta hai, tumhare shabdon ka apna ek rishta hai prakriti se.

    Tumhare likhne ka har andaaz sach mein alag hai, ek behtareen example jo har writer ki individuality ko define karta hai. Ye rachna toh ek masterpiece lag rahi hai. Bas likhte raho, Anchal—tumhare jazbaat aur kalam ki tasveer aur bhi roshan hogi.
    CuteBubble
    CuteBubble
    Thegodfather
    Thegodfather
    Likha nake liya labaz kam gir hai
    CuteBubble
    Chahti thi ki meri dunia rangeen bane...
    Par ittefaq to dekho saare ke saare Girgitt hi mile...!!!
    CuteBubble
    Sapne dekhne ke liye neend ka hona Jaruri nhi...
    Kisi ki soch ka Najria hi kaafi rhega...!!!
    CuteBubble

    Swavm-Manthan :hitthewall:
    CuteBubble
    Man-Moji ho chla...
    Posted in Hindiroom.. check it out..!!!

    Man-Moji ho chla...!!!

    Iss man par ab jor nahin hai Iska koi ek ab thorr nahi hai... Khamoshi si bikhri hai charo aur Jeevan me ab shor nahin hai... Pal me ye hai mere paas Pal me na jaane kahaan chala jaata hai... kitni bhi sukoon ki jagah ho Ye chain kahaan paata hai... kisi ki talaash chhod di isne Kisi ko chhod...
    www.chatzozo.com
    CuteBubble
    Sar mai haath fer MAA ab pyaar se sehlaati nahi
    Maa sapno mai aakar aashirwaad dene aati rahi...
    Ni-Swartth MAA ki dua jaisi Dua ab kahin se aati nahi
    Aaj swartth ke liye dunia pyar jataane aati rahi...
    Mere har kashhto ko bhi apna kar, Apne dard dikhati nahi
    Har dard mai mujhe har pal MAA teri yaad aati rahi...
    Mujhe hansaane ke liye gamm apne chhupaati rahi
    Mere chehre ki Khilkhilahat bhi MAA tujhe bhool pati nahi...
    Ak bar haal chaal jo pooche aesi aawaj sunayi aati nahi
    Jeevan ke har mod par MAA teri yaad tarsaati rahi...!!!

    Happy Birthday Anchal ki "Anchal" :heart1: :cry1:
    Apki bhut yaad aati hai Maa
    Untitledq.png
    CuteBubble
    Hoon Boond ya Badali ya chahe Patang, Aasman tum Bano
    Hoon Ghazal ya Kavita ya koi Chhnd, Alfaaz tum Bano....
    Hoon Subah ya Saanjh ya Raat ki Pehar, Tum har waqt saath raho
    Hoon Dhoondh ya Kuhra ya oas subah ki, Aaftaab tum Bano...
    Hoon Dhara ya Nadi ya koi Lehar, Kinaara tum Bano
    Hoon Dard ya Aanshu ya koi bhi Gam, Sahara tum Bano...
    Hoon Possh ya Aashaddh ya koi bhi Rutt, Saavan tum Bano
    Hoon Mehandi ya Sindoor ya Bindiyaan koi, Haaan
    Har baar mera "Anchal" tum Bano...!!!
    • Like
    • Love
    Reactions: Honey bunch, Nightwing, Thegodfather and 11 others
    View previous comments…
    The_LionHeart❤️
    The_LionHeart❤️
    Aapka kehna bilkul sahi hai. Jab baat apne aap se hoti hai, toh "ek-doosre" wala sandarbh wahan fit nahi baithta. Agar aap apne andar ki baat ko vyakt kar rahi hain aur sirf apne emotions aur soch-vichar ko prastut kar rahi hain, toh shabdon ka chayan bhi wahi hona chahiye jo iss bhav ko theek se vyakt kare.

    Aapke likhne ka tarika kaafi gehra aur apne aap se jura hua lagta hai. Agar aap chahein, toh is tarah ke introspection mein shabdon ki simplicity aur raw emotion ko zyada jagah dena aur bhi impactful ho sakta hai. Jo bhi aap likhti hain, wo ek khud ke saath guftagu ke roop mein dikhai de.

    Agar aap chahein, toh us thread wale “ek-doosre” ka asar yahan se hatakar is vyakhya ko aur personal touch de sakti hain. Agar koi specific baat ya line hai jo aap mujhe share karna chahti hain, toh main aapki baat ko aur clarity dene ki koshish karunga.@Anchal23
    CuteBubble
    CuteBubble
    abhi to dhime dhime sab saamne aata rhega....

    apse ak vinti rhegi ki... phli baar mai aap bas darshak bankr dekhiyega, shrota bankr suniyegaa....

    fir aap vyaakhya pr jaaiyega.... apki soch bhu thi umdaa hai.. steek lgti h.. pr kai baar wo asli matlab phchaan'ne se hlki si chuk jaati hai....
    to aap phle aaram se smjhiyega... to shayd apko jyda behtar lgne lgegi


    baki apke suggestions mene note kiye hai kai... likhte time dhyan rhega unka bhi
    Bas aese hi utsaah bdhaate chliyega..
    shukria..!!!
    The_LionHeart❤️
    The_LionHeart❤️
    Aapka sandesh mujhe gehri prerna de raha hai. Main yeh samajhta hoon ki aap apne lekhan ke madhyam se ek aise safar par hain jo shabd se pare, bhaavnao ka roop dharan karta hai. Aapke sujhaav aur vinti mere liye mahatvapurn hain, aur main ise hamesha yaad rakhunga ki pehle darshak aur shrota ban kar aapki rachna ko mehsoos karun.

    Aapki rachnatmak yatra mein jo bhi sahara aur utsaah mujhe dene ka avsar milega, usse main pura karunga. Aap likhte rahiye, aur mujhe khushi hai ki mere sujhaav aapke kaam aa rahe hain. Aapki kalpana aur lekhan ki gaharai ko aur dekhne ka intezaar rahega. Shukriya!@Anchal23
  • Loading…
  • Loading…
  • Loading…
  • Loading…
Top